 |
| مقتطف من كتاب التدريب الشخصي |
بس لازم نفهم الاول ازاي بتتخن وليه بتتخن وازاي بتخس
بطريقة علمية وحسب الابحاث والمتعارف عليه في الوسط الرياضي المحلي والعالمي
الاجابة لا .. لا يسبب الاكل مساءاً السمنة او التخن
ليه؟
باختصار بتتخن و بتخس علي حسب السعرات الحرارية اللي بتدخلها جسمك في اليوم
يعني ايه
يعني مثلا كل واحد بالنسبة لطوله ووزنه الحالي وسنه ومقدار نشاطه اليومي ليه عدد معين من السعرات الحرارية
طب يعني ايه سعرات حرارية
سعرات حرارية ببساطة يعني كمية الطاقة الموجودة في الطعام .. بمعني ابسط جسمك عشان يشتغل محتاج بنزين عشان تتنفس وتتحرك وتفكر وكل العمليات الحيوية اللي في جسمك بتحتاج طاقة
الطاقة دي بتيجي من الاكل وبنسميها سعرات حرارية
طيب ايه علاقة السعرات بالتخن
هنقولك ببساطة لو انت حسبت سعراتك الحرارية وطلعت مثلا انك المفروض تدخل جسمك 2460 سعر حراري كل يوم عشان تعمل كل نشاطاتك بشكل طبيعي وعمليات جسمك الحيوية
جيت انت فضلت تاكل ودخلت مثلا 3000 سعرة حرارية في اليوم دة
يعني انت دخلت زيادة حوالي 540 سعر حراري ومتحرقوش خلال اليوم بتاعك
كمجهود مثلا
هيروحو فين؟
هيتحولو للجسم علي هيئة دهون او عضلات
طيب ليه الاكل بليل مبيتخنش؟
ببساطة لان الجسم معندوش انزيم معين او ساعة شخصية بيعرف منها انك اكلت بليل فبيبتدي يعاقبك علي كدة
الجسم ملهوش علاقة كلت بليل ولا الصبح ولا الفجر
الجسم ليه علاقة بكمية السعرات الحرارية اللي دخلت كام واللي اتحرقت كام واللي المفروض تاخدها كام
طيب ازاي ااقدر احسب السعرات الحرارية
تقدر تعمل سيرش علي جوجل بالكلمة دي وتختار اي موقع هيظهرلك
BMR Calculator
دة هيحسبلك السعرات الحرارية المطلوبة عشان تكون كائن حي طبيعي وخد بالك المفروض هيزود حاجة اسمها
TDEE
يعني المفروض يسألك مقدار المجهود اللي بتعمله في اليوم او الاسبوع ايه عشان يحطلك السعرات بتاعتها علي البي ام ار
وهيطلع الناتج النهائي من السعرات
عايز تتخن زود عنهم
عايز تخس قلل عنهم بمقدار من 500 لـ 800 سعرة
طيب ازاي اعرف كل اكل فيه كام سعر حراري
بسيطة
هتكتب علي جوجل مثلا "صدور دجاج " او "لحم" او "بسلة" هتلاقي جدول ظهر اسمه المعلومات الغذائية
فيه كل حاجة الكالوري اللي هو السعر الحراري وخلافه
طيب ازاي اعرف حاجة جبتها فيها كام سعر حراري
بسيطة هتلاقي في ظهر العلبة جدول صغير كدة مكتوب فيه كل البيانات
عمرو بدر Amr Badr | Gym Egypt owner
