الاثنين، 20 أكتوبر 2014

الانقطاع والعودة للتمرين لكمال الأجسام


التدريب والانقطاع
فيهم مشكلة كبيرة تؤثر على العضلة بشكل عام

المقصود من تأثيرها على العضلة 
ان فيه ناس بتقطع اسبوعين او ثلاث اسابيع ويرجع يتمرن بنفس الطريقة اللى اتمرن بيها قبل انقطاعه عن التمرين
وهذا يؤثر وممكن ان يؤدى الى اصابة
لازم نعرف ان انقطاعك عن التمرين  من خمس ايام الى عشرة ايام 
. مفيش مشكلة
كل اللى هتعمله هتسخن وتتمرن وتعمل تمارين اطالات (استرتش للعضلة)
لو وصل انقطاعك عن التمرين من اسبوعين الى ثلاثة اسابيع 
لازم على الاقل هترجع تتمرن اسبوع شامل ( General ) 
لكن متتمرنش بنفس الأوزان منعا للاصابة
فى حالة انقطاعك عن التمرين من شهر لأكثر
فى هذه الحالة تكون العضلة ارتخت للأخر وهتضطر تبتدى شامل من جديد عشر أيام ومتزودش أوزان منعا للإصابة
لو شهرين وأكثر
فى هذه الحالة هتتمرن جينرال اسبوعين ومتزودش اوزان وتلعب بأوزان خفيفة منعا للإصابة
لو سنة وأكثر 
هتبتدي كأنك مبتدئ وهتتمرن جينرال 20 يوم فأكثر
فيه ناس او مواقع تقولك 3 ايام تخسين وخش وكل الحديد
وناس تقولك انت اتمرنلك اسبوع وشكرا على كدة
على فكرة الجينرال فوايده أكثر من تمرينة العضلة يوم واحد
ليه؟!
لأنك بتمرن جسمك كله فى يوم واحد فى حالة الجينرال أما فى حالة عضلة واحدة بتستنى للاسبوع اللى بعده عشان تمرن نفس العضلة . طبعا الجينرال اوزان قليلة مع عدد اتنين مجموعات لكل تمرينة
الجينرال بيفيدك فى ايه ؟!
انك لما تيجى تقرر تتمرن يوم واحد لعضلة معينة .
 أولا : العضلة هتكون أخدت على التمرين الشاق 
ثانيا : العضلة بنسبة كبيرة جدا مش هيحصل فيها اى اصابة طبعا انا بقول بنسبة كبيرة لان الاصابة ممكن تيجي غلط منك فى التمرين
ثالثا : هتقدر ترفع اوزان كويسة من اول اسبوعين .
انتهي الموضوع واذا كان عندك اي استفسار برجاء كتابته فى التعليقات فى الاسفل او التعليقات على الفيس بوكgymegypt.net

برجاء عند نقل او اقتباس الموضوع ذكر المصدر : موقع Gymegypt.net لان ذلك مجهود عليك تقديره
نتمنى لك يا وحش دوام الصحة والعافية

أنشر عبر مواقع التواصل الإجتماعي

الانقطاع والعودة للتمرين لكمال الأجسام
4/ 5
Oleh

اكتب تعليق يا وحش